خيمة رمضان هتجوا ولا هتبصوا من بعيد!!!!!!!!!!

بسم الله الرحمن الرحيم
السلام عليكم ورحمة الله وبركاته

كل سنة وانتم طيبين وفي صحة وسلامة باذن الله انا بصراحة شوفت الموضوع ده في منتدي تاني بس بصراحة عجبني قولت اخده واطلع بيه علي اول عرابية رايحة اسكندرية هههههههههههههه

المهم عبارة عن ايه احنا هنعمل خيمة رمضانية يعني كل واحدة قاعدة علي المنتدي تدخل تقول هي ايه العمل الي بتعمله لوجه الله وغيرها يعمل زيها وهما الاتنين يستفيدوا "الدال علي الخير كفاعله" وتخل مثلا تقول اذكار وهكذا

وممكن برضوا تقول وتحكي لبقيت البنات جو رمضاني معين هي بتعملوا في البيت عندها بيكون حلو كدا يعني

يارب الفكرة تعجبكم وتلاقي قبول عندكم ودا طبعا عشان يتماشي مع الجو الرمضاني الجميل الي هتعملهولنا ريري باذن الله ربنا يعينها علينا هههههههههههههههه

مستنية ارائكم يا حلوين

واي واحدة عندها فكرة واضافة تيجي وتقولها

يلا هاتوا الفوانيس وتعالوا يابنااااااااااااااات

بالنسبه للفكره هيا تحفه يا بت يا صاصا ..
بصى انا عندى استعداد لرمضان ان شاء الله بأذنه لو كان ليا عمر يعنى
بصى انا هأعمل كده ان شاء الله ..
اول حاجه 1000 استغفار
وبعدين1000 تحميد (الحمد لله)
1000 تهليل(لا اله الا الله)
1000 تسبيح(سبحان الله)
صدقه على قد ما تقدرى بس متستهزءسش بالمبلغ دا انتى لو طلعتى فى اليوم والواحد 5 جنيه وطبعا بما ان البنات اللى فى سنى مش على طول بيبقى معاهم خمسه جنيه ممكن تحطى مصروفك انا عن نفسى هحط جنيه كل يوم وهوا ده مصروفى وان شاء الله لو معايا اكتر هحطه بأذن الله وتحطيها فى صندوق الجامع اللى هتصلى فيه التراويح يبقى كويس جدا جدا
وطبعا صلاة التراويح بتبقى 8 ركعات و2 شفع وواحده وتر
وبعد كده صلاة التهجد بالليل الساعه واحده كده
وطبعا القراءن ربيع قلبى لو عايزه تختمى مره تقرأى فى اليوم جزء ولو عايزه تختميه مرتين تقرى فى اليوم جزءين ولو عايزه تختمى 3 مرات تقرى 3 اجزاء وهكذا ..
حفظ 1 صفحه او اكتر زى ما انتى عايزه
وبعد كده نشاطات حلوه يعنى مثلا ممكن تعملى موضوع كويس زى الموضوع اللى صاصا عملاه كده وتحطيه فى المنتديات واحذرى من المواضيع اللى زى ملابس وفساتين السهرات والحاجات دى لانها مش مفيده بل وساعات بتجيب سيئات وتضيع كل اللى انتى عملتيه واحزرى اكتر واكتر من المصيبه الكبيره ((التلفزيون)) واللى زيه ((الاغانى))واساسا الاغانى حرام اذا كان فى رمضان او غيره والتلفزيون كمان زيه واكتر ..
وانا عايزه اعمل مسابقه من موضوعك ده يا بت يا صاصا انتى ايه رأيك ؟
الحاجات اللى انا قلتها دى اللى هتزود عليها يبقى خير وبركه
وهتكون هيا الفايزه ايه رأيك يا بت يا صاصا ؟
يا رب اكون فيدتكم

طبعا يا قمر فيدتيني وانا مبسوطة جداااااااااااااااا بالي انتي ناوية تعمليه رينا يارب يجعله في ميزان حسناتك يا ندي يا سكر وباذن الله انا ناوية اختم القران باذن الله وطبع التسبيح والاذكار شيئ اساسي وكمان وقت الفجر بالذات وكل شوية ربنا بيلفت نظري لحاجة الحمد لله فبنوي اعملها
وانتي يا قمر ربنا يعينك ويقويكي يا نودي

ربنا يخليكى يا صاصا ..
بس انتى ايه رأيك بالمسابقه ؟

موافقة طبعا يا قمر ولو عيزاني ابقا معاكي فيها انا تحت امرك هو احنا نطوي يا جميل بس هي هتكون عبارة عن ايه؟؟؟؟؟؟؟؟؟؟؟؟؟؟؟؟

بصى يا صاصا اكتر واحده تعمل حاجات من اللى انا قلتها دى هتبقى هيا الفائزه يعنى البنات ييجوا ونبدأ من اول يوم فى رمضان وييجوا كل يوم كل واحده تكتب هيا عملت ايه
واخر اليوم هيبقى من صلاة الفجر لان بيكون فى تراويح وكده
كل واحده تكتب هيا عملت ايه من كل حاجه من صلاه ومن ازكار
وصدقه وتراويح وتهجد ونشر مواضيع اسلاميه فى المنتديات والذى منه
واكتر واحده عملت حاجات زى دى هتكون هيا الفائزه وهنحتفل بيها فهمتى يا عمرى ولا اوضح اكتر ؟؟

فهمت يا قمر هي فكرة حلوة اوي وهتشجع بنات كتير انهم يقربو من ربنا وانا شخصيا معنديش اي مانع اهو مننا قاعدين بندردش وفي نفس الوقت بناخد حسنات وبنشجع بعض
تسلملنا افكاركيا نودي ويارب كل البنات تعجبهم فكرة الخيمة دي

آمين يا رب يا صاصا .. هيا فكره حلوه بجد اكيد البنات كلهم هييجوا ..

اللهم بارك لنا فى شعبان وبلغنا رمضان ..

امين يارب يا نودي

تسلمى ياصاصا على موضوعك الجميل والفكرة الرائعه وان شاء الله انا ناويه اعمل فى رمضان

باذن الله
اختم القراءن على الاقل مرتين
وحفظ القران وانا بداءت فيه من دلوقتى ربنا يقدرنى يارب
وطبعا التسبيح والتحميد والتكبير
وصلاة التروايح با المسجد
وقيام اليلل
وصلاة الفجر حاضر باذن الله
وطبعا الصدقه على قد ما ربنا يقدرنى ممكن بحطها فى الجامع او اساعد بها محتاج
وبالنسبه لفكرة ندى جميله جدا المسابقه وانا معاكى ياندوش انتى وصاصا وربنا يقدرنا يارب ويتقبل مننا يارب
صاصا ندى
جزاكم الله خيرا وجعله بموازين حسانتكم ان شاء الله

مشمش حبيبتي بجد فرحتيني يا قمر ربنا يقدرك يارب علي حفظ القران وختمه باذن الله ويتقبل منك ومنا باذن الله

ربنا يبارك لك ياصاصا يارب انتى ودلوعة

بجد الواحد بيفرح اوى لما بيلاقى بنوتات كدة فى سن صغير مهتمين اوى برمضان ومهتمين انهم يحيوا رمضان صح

بجد احلى سلام واحلى تحيه لاجمل بنوتات

وربنا يبارك لكم يارب

ومعاكم طبعا ياحلوين فى احياء رمضان كما يجب ان يكون

بس هو حيزيد عليا عن اللى بعمله فى الايام العادية صلاة التراويح

بس لانى الحمد لله عاملة لنفسى واجب يوميا مع ربنا وكتباه فى ورقه واللى باعمله باعلم عليه

واحاسب نفسى كل يوم بالليل

وربنا يقدرنا كلنا

اللهم بلغنا رمضان وبارك لنا فيه وبلغنا ليله القدر واعنا على احيائها

ربنا يخليكى واللهى يا رونى ده من زوقك

اللهم بارك لنا فى شعبان وبلغنا رمضان ..

حبيبتي يا رونة ربنا يخليكي يا قمر ويبارك فيكي ويرزقك بالذرية الصالحةوهو ده الي انا كنت بتمناه اننا نشجع بعض علي ذكر الله والقرب منه والخروج من رمضان باقصي منفعة وثواب ربنا يثبتنا يارب ويغفر لنا اجمعين وبعدين يارونة انا بلغت من العمر ارزله ههههههههههههههههههههههه

والله يا صاصا فكرة جميله جدااااااااااااااااااا
ربنا يقتح عليكى ويجعلها فى ميزان حسناتك
وانت يا ندوش حلوه اوى المسابقه وانا معاكم ان شاء الله
بس لى طلب اعملى المسابقه فى موضوع لوحده على هيئه ورد محاسبه
وكل واحده تدحل تقول عملت ايه وقصرت فى ايه

اوكى يا ريرى هروح اعمله حالا ..

الله عليكم يا بنات افكار جميلة او ى وربنا يقدرنا كلنا على التقرب منة فى الشهر الكريم دة وانا معاكم فى المسابقة طبعا مفهاش كلام وعن نفسى طبعا بالنسبة لموضوع صاصا انا من طقوس بداية رمضان عندى طبعا الفانوس اللى فى البلكونة والنور دة اساسى والحمدلله بخلص القران على اد ما بقدر وطبعا ذكر الله والتسبيح دة دايما طبعا واما عن الصلاة فة المسجد مش بعرف اروح عشان زينة صغيرة ف بكون فى البيت ربنا يتقبل منا ومنكم باذن الله وكل سنة و انتم لله اقرب

ريري يا قمر نورتيني يا حبيبتي والله كل سنة وانتي كطيبة يا قمراية

كات يا احلي كات نورتيني يا سكرة وربنا يعينك علي بنوتك انا كمان بصراحة مش بنزل المسجد لان صلاة النساء في البيت كلنا عارفين انها افضل

يلا با بنات كل واحدة تحكي لينا عملت ايه النهاردة عشان تتقرب لربنا ولبيتها دا طبعا برا مسابقة نودي دي بس دردشة
وانا النهاردة الحمدلله صليت كل الفروض بالسنن الحمدلله وطول اليوم اذكار الحمدلله وفي الجزء التاني من القراءنالحمدلله وطبعا نص النهار طار في المطبخ هههههههههههههههههه كالعادة ربنا بتوب علينا منه وركبت فرع نور في الشقة فيه هلال وفوانيس وركبت فنوس يبينورر برضوا شكلهم تحفة كل سنة وانتم بالف صحة وسلامة واكتر طاعة يا احلي بنات وعلي فكرة انتم بجد الصحبة الصالحة ربنا يبارك فيكم يارب

انا الحمد لله زيك كده يا صاصا
بس البنات مطنشنى ومحدش بيرد على موضوعى Sad

الحمدلله يا قمر ربنا يقوينا علي حمده وشكره وحسن عبادته بس تلاقي البنات دخولهم خفيف في رمضان ودا طبعا غصب عنهم معلش يا قمر انا عن نفيسي مش بدخل كل يوم بس لنتي مسابقتك زي القمر زيك يا نودي

» رمضان في بعض البلدان ...
» صور لفوانيس رمضان
» رمضان كريم
» الحلويات .. وفوائدها في شهر رمضان!!
» لحفظ الصيام في رمضان ...