مــــوضـــــــوع هـــــــــام جــــــــــدا .. ارجو الدخول ..

اختي ممكن تغيري صورة المغنية او الممثلة دي من بروفايلك؟؟

دي مش صورتي وانا شايفة ان مفيهاش حاجة
صورة عجبتني وحطيتها ايه المشكلة يعني طالما مش صورتي

لاء فيها

ازاي فيها؟؟

اوكي صلي على النبي

عليه الصلاة والسلام

حضرتك محجبة؟؟

أيوه

محجبة ليه؟؟

علشان شعري مينفعش يظهر

يعني انا لو بصيت على شعرك هاخد على كل شعرة منك سيئة

أكيد

وانتي هتاخدي سيئة

طبعا

طيب الصورة اللى انتي بتحطيها دي على الفيس مش البنت دي مش محجبة؟؟

ايوه

يبقي انا لما ابص عليها انا باخد سيئة

أه

وانتي بتاخدي سيئة

ليه؟؟ دي مش صورتي

مش انتي اللى حطيتيها؟؟

أيوه

اديلك مثال لو واحد مثلا عنده فيديو وعنده شرايط افلام اباحية وجاب صحابه وقعدهم واتفرجوا معاه مش هو هياخد ذنبهم ؟؟

أيوه

طيب ما الافلام هو مش جواها

ممممممممممممممم

وكمان صاحبة الصورة بتاخد 3 سيئات بسبب انك اخدتي سيئة وانا اخدت سيئة ده بسسسسسسسسسسس لو انا نظرت على شعرة واحدة بس منها

ثانيا

في ايه تاني؟؟

انا كل اللى كنت بتكلم عليه هو الشعر ده لسه الميكب والنظرة والحاجات اللى باينة فيها

مش فاهمة

بصي يا اختي في قاعدة بتقول ((يحشر المرء مع من احب)) يعني طالما حبيتي
المغنية او الممثلة دي يبقي انتي معاها يوم القيامة والله اعلم هي بتعمل
ايه وعندها من الصورة دي بس كام سيئة

ثالثا

هو فيه ثالثا؟؟

اه زمااااااااااااااان كان في واحد من بني اسرائيل بيعبد ربنا ومتفاني في العبادة
تعالوا نشوف الحديث مع انه ((ضعيف)) بس ناخد بفضله

(( أوحى الله عز وجل إلى جبريل عليه السلام أن اقلب مدينة كذا وكذا بأهلها ،
قال : فقال : يا رب ! إن فيهم عبدك فلانا لم يعصك طرفة عين ، قال : فقال :
اقلبها عليه وعليهم فإن وجهه لم يتمعر في ساعة قط ))
الصفحة أو الرقم: 6/2581
خلاصة الدرجة: ضعيف

الحديث ده بيقويه حديث
((من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، و ذلك أضعف الإيمان ))
الراوي: أبو سعيد الخدري المحدث: الألباني - المصدر: صحيح الجامع - الصفحة أو الرقم: 6250
خلاصة الدرجة: صحيح

طبعا انتي هي محطوطة عندك في البروفايل وانتي مغيرتيش حاجة بايدك
وكمان بلسانك مقولتيش ده غلط
وكمان بقلبك عادي ده كمان بيحبها مع انها عاصية ومش محجبة

ممممممممممممممم ياااااااااااااااه ده الموضوع طلع مش هين

اه وكتير من البنات بتحط صور وهما مش عارفين المخاطر يعني ممكن عداد
السيئات شغال على الواحد وهو عمال بيقرا قرآن ويصلي بس حاسس انه مش مبسوط
ويكون السبب صورة ملهاش اي لزمة على البروفايل

اه اكيد

طيب ليه متكونش صورة بروفايل الواحد
سبيل في زيادة حسناته؟؟

بشوف بنات بتحط صورة ((الايموز)) تعرفي عنهم حاجة؟؟؟ تقولي لاء طيب ليه
بتحطي نفسك في موضع لناس مش ملتزمين ده اقل شئ ممكن يتقال عنهم

ليه يا جماعة مبقيناش بنفكر؟؟

ليه بقينا كل منشوف واحد عامل حاجة بنقلد واحنا على بصرنا غشاوة مش بنميز
ده صح ولا غلط ولا بنقول لنفسنا يا تري الصورة دي هتزودني ايه ؟؟ حسنات ولا
سيئات؟؟

ليه تحطي صورة ممثلة اجنبية ممكن تكون في فيلم مارست الزنا علنااااااااا قدام الناس وتلطخي سمعتك بسمعة لواحدة زي دي؟؟

اه هي داخلة قلبك وبتحبيها وشايفاها ملاك
بس دي ممثلة

يعني اللى بتشوفيه منها كله كدب في كدب

ارجوكي يا اختي ارجوكي خليكي بشخصية مستقلة مش علشان صديقاتك بيعملوا كده يبقي مبرر انك تعملي زيهم

لان يوم القيامة
مفيش ولا صاحب ولا اب ولا ام

إِذْ تَبَرَّأَ الَّذِينَ اتُّبِعُواْ مِنَ الَّذِينَ اتَّبَعُواْ
وَرَأَوُاْ الْعَذَابَ وَتَقَطَّعَتْ بِهِمُ الأَسْبَابُ * وَقَالَ
الَّذِينَ اتَّبَعُواْ لَوْ أَنَّ لَنَا كَرَّةً فَنَتَبَرَّأَ مِنْهُمْ
كَمَا تَبَرَّؤُواْ مِنَّا كَذَلِكَ يُرِيهِمُ اللَّهُ أَعْمَالَهُمْ
حَسَرَاتٍ عَلَيْهِمْ وَمَا هُم بِخَارِجِينَ مِنَ النَّارِ
ــــــــــــــــــــــــــــــــــــــــــــــــــ ــــــــــــــــــــــــــــــــ
ياريت متخليش نفسك تيجي تقولي يوم القيامه
يَا وَيْلَتَى لَيْتَنِي لَمْ أَتَّخِذْ فُلانًا خَلِيلا

ياريت
ها هلاقي حد اقتنع بكلامي؟؟ ولا هسمع صدى صوتي؟؟

منقووووووووووووول

يسلملى عمرك يا ريرى
جمعه مباركه يا عمرى ..

معلش اعذرينى انت بتتكلمى على اساس اننا رجاله وميصحش نشوف صور لشعر او وجهة اى ممثلة اعتقد ان دا منتدى نسائى وكل اللى مسجل فية من الستات يعنى لما واحدة بتشوف الصورة دى كل لما بتدخل عمرها ما حتاخد ذنب لا من مكياجها ولا حتى شعرها ووجها
حتقوليلى طب فى رجالة بتدخل المنتدى ساعات ماشى انا معاكى بس هما مش مستنين صورة بروفيل عشان يعقدوا يبصولها ويتعجبوا من جمالها لان ببساطة ممكن يشوفوا اللى اكتر من صورة بروفيل بضغطت زر واحدة كمان مفيش راجل بيدخل عشان يبص على بروفيل اى واحدة اكيد بيبقى ليه غرد تانى
سورى حبيبتى بس انا مش مقتنعة انك لما تبصى انت او اى حد معانا فى المنتدى على الصورة انت حتاخدى ذنب وانا كمان حاخد ذنب لا لان احنا بنات او ستات يعنى مش حرام

دا رايى المتواضع كمان مش كل اللى بيتكب فى النت بيبقى صح 100%
فى حاجات بتبقى اوفر اوى وواضح انها ملفقة سورى انى بقولك الكلام دا بس مش عايزين نبان اننا متزمتين قوى لدرجة ممكن تتاخد علينا مش تبقى حاجة فى صالحنا
تقبلى مرورى واحترامى
ويا ريت متزعليش منى
اختلاف الراى لا يفسد للود قضية

سورى بس نسيت حاجة اقولها ولازم كل واحدة مقتنعة بالكلام دا تعملها وللا حيبقى نفاق
لازم كل واحدة مقتنعة بالموضوع دا متحطش صور لازياء سواء كانت سهرة او بيتى او اى حاجة تانية كمان بلاش مواضيع عن المكياج او عن تسرسحات الشعر يعنى كدة بقى حنلغى اقسام كبيرة ومهمة من المنتديات الاسلامية لانها بيبقى فيها بنات لبسة لبس عريان او حاطة مكياج اوفر اوعاملة شعرها بطريقة مثيرة يبق نص المنتديات ملهاش لازمة بقى
سورى يا ندى على كلامى بس انا مقتنعة بية ويا ريت البنات تتواصل وتقول رايها

والله كلامك معقول بس اوى يعنى للدرجة على الغموم انا صورتى متخفية ههههههه تسلمى

علا بجد افرحنى ردك
و حبيبتى انا مقدره كلامك
وعلشان فى رجاله بتدخل المنتدى ودى حاجه متوقعه
مش لازم البروفايل اللى مزعلك هههههههههههههههه
خلينا فى الصوره الرمزيه فى أى حاجه ممكن تخليكى تاخدى سيئات انتى فى غنى عنها

وعن المنتديات بتاعت الملابس والستات اللى بيبقى فى جزء من اجسادهم عريان
انتى ممكن تعملى للصوره بتاعتك تظليل للمناطق العريانه من الجسم
وده يبقى حل كويس لعدم وقوف منتدى الملابس
وبعدين يا لولو مش هتخسرى حاجه وغير كده برضه اتقوا الشبهات
ودى حاجه مش هتفيدك فى حاجه انك تحطى صوره كده ..
ممكن تحطى صوره تاخدى منها حسنات احسن
تقبلى كلامى يا عمرى .. ورمضان كريم عليكى وعلى كل بنات بحرى ..وكل سنه وانتى طيبين .. مــــوضـــــــوع هـــــــــام جــــــــــدا .. ارجو الدخول .. Icon_smile

هههههههههههههههههههههههههه
احسن حاجه عملتيها يا ريرى ..
يسلملى عمرك يا غاليه ..

» تحذير من كارثة المصاحف الإلكترونية (ارجوا الدخول للأهمية)
» شخصيات اسلاميه ** ارجو التثبيت
» سجل اسمك في ذاكرة المنتدى ارجو التثبيت
» أطفالنا والتربية النفسية ... ارجو التثبيت
» كتالوج خاص لديكورات مطبخك ... ارجو التثبيت