كبد الدجاج بالمشروم ....ولا اروع

google_protectAndRun("ads_core.google_render_ad", google_handleError, google_render_ad);

السلام عليكم ورحمه الله وبركاته

دى طريقه كبد الفراخ بالمشروم ...بس ايه

المقادير:طبعا كبد فراخ يعنى حوالى ربع كيلو
عصير ليمونه
ثوم مفروم
بهارات من اللى انتى بتحبيها انا بفضل(كارى_فلفل اسمر -زعتر جاف_جنزبيل جاف ناعم_بهار مشكل)
بصله مفرومه ناعم
نصف فلفلايه خضراء مقطعه صغير
نصف علبه مشروم مقطع
وطبعا زيت ..وانا بفضل زيت الزيتون
وممكن ملعقه دقيق .. وملعقه كريمه او قشطه(اختيارى)
الطريقه....
اولا تتبلى الكبده بالتوم المفروم وعصير الليمون,والفلفل الاخضر المقطع ,وطبعا ملح.وفلفل اسود وكارى وشويه بهار مشكل( على فكره البهارات المشكله انا اقصد بيها اللى هيا معروفه بمصر ببهارات الكفته او بهارات اللحمه)وتسبيها شويه فى الخلطه دىيعنى ساعه او ساعتين.
.ثانيا
بعد ما تتبلى اكبده يا شطوره بتجيبى الطاسه وتحطى
فيها الزيت وبعدين تحطى فيها الكبداو بالمصرى تشوحى الكبد فيها وتقلبيها
على الجنب التانى بس تشويح مش سوى...ولما تيجى تحطى الكبده حطيها مع
تتبليتها بس حاولى تصفيها من ميتها...بس حاولى ان التتبيله دى متتحمرش
(هنا بقى نيجى لل حته الاختياريه وهى ممكن رش الكبده وهى فى الطاسه
بالدقيق ودا بس علشان الصوص يبقى تقيل شويه)
ثالثا
بتنشلى الكبد من الزيت وفى نفس الطاسه تضيفى
البصل المفروف وتقلبيه وبعد كده تضيفى المشروم والجن**يل والزعتر وتهدى
الناروتغطى الطاسه حتى يدبلوا مش يتحمروا ..خلى بالك يا قمر بس يدبلوا.
رابعا
تضيفى الكبد المشوحه على المشروم والبصل.ولو
عندك شوربه فراخ ضيفى عليه كوب من الشوربه..لو معندكيش ممكن تحطى مكعب مرق
وميه وعلى نار متوسطه سيبيهم يستوا ولو احتاجوا ميه ضيفى.ولو كنتى حطيتى
على الكبده دقيق وانتى بتشوحيها يبقى حطى معلقه القشطه او الكريمه وطبعا
قلنا ان الدقيق والكريمه دا اختيارى.................وبالهنا والشفا

يسلمو ياقمرايه
الله يعطيك الف عافيه

تسلم ايدك يابت يارغده ياعسل

تسلميلى يا احلى اسم فى الوجود ياااا مصر هههههههههههه قصدى يا ايمى

سلمت الايادى ياسكره

» الدجاج بالكاري...
» مقلوبة الدجاج بالباذنجان
» الدجاج المشوي مع الصلصة المخللة
» الدجاج المحشى بالارز والبهارات العراقيه ..
» الدجاج المشوى بعصير الليمون والثوم ..