اسالكم الدعاء

السلام عليكم ورحمه الله وبركاته
انا مش عارفه ابدأ منين
بس انا فى امس الحاجه لدعاءكم
انا رحت لدكتور النسا وانا كلى امل انى اكون حامل
ولكن قدر الله وما شاء فعل
مفيش حمل
اما سبب كتابتى لكم وطلبى دعاكم انه قالى مفيش امل
ولازم اجرى جراحه والا انسى موضوع الحمل
مش قادره اوصف لكم شعورى ورعبى من العمليه
اقسم عليكم بالله
لو ليا اى غلاوه عندكم ادعولى

ياحبيبتى يارحاب معلش ياقمر ربنا معاكى يارب ويرزقك بالذريه الصالحه ان شاء الله عن قريب يااااااااااااااااااااارب والله العظيم بدعيلك انتى ورانيا وام مرام وعلا وايمى فى كل صلاتى وقبل الفطار ربنا يتقبل منى ومنكم دعائنا يارب متقليش يارحاب ان شاء الله تعمليها وتقوملنا بالسلامه ان شاء الله ويكون معاكى احلى بيبى فى الدنيا ياااااااااااااااااااااااااااارب وابقى طمنينى عليكى يارحاب

يا رحاب اوعى تخافى يا حبيبتى مدام انتى واثقه ان ربنا معاكى وبيحبك زى ما بتحبيه
والله العظيم ربنا هيكرمك اخر كرم
مدام انتى صوامه قوامه زى ما الشهر الكريم شاهد عليكى
يا حبيبة قلبى اوعى تخافى او تزعلى وخلى املك فى ربنا كبيييير اوى
وانه لو محصلش نصيب فى الدنيا ان شاء الله تتعوض فى الاخره
لأن كلنا عارفين ان الدنيا دى قصيره جدا
والدار الباقيه هىا الاخره
ربنا معاكى ويوفقك ويقومك بالسلامه يا رحاب يا بيبة قلبى ويرزقك بالذريه الصالحه انتى ورونى وعلا وكل البنات
وابقى طمنينا وان شاء الله خير

حبيبتي يا رحاب ان شاء الله خير وخلي املك في ربنا كبير ربنا قال انا عند ظن عبدي بي فخلي عندك يقين ان ربنا هيكرمك اخر كرم وباذن الله تعملي العملية وتقوميلنا بالسلامة واستعيني بالصبر والصلاة والله يارحاب ربنا فرجه قريب مش عارفة ليه انتي بالذات حسالك خير اوي يا قمراية بس امانة عليكي طمنينا عليكي اول باول

[center]

والله يارحاب انتى ماتعرفيش انتى عملتى فيا ايه لما قريت كلامك دلوقتى
طيب ماتروحى لدكتور تانى وتشوفى رأيه ايه وحتى ماتاخديش بالعلاج بتاعه شوفى بس كلامه ولو قالك نفس الكلام روحى لواحد تالت وشوفى برضه الكلام ايه

وباسمع عن دكتور اسمه احمد شمس وواحد اسمه تابوزادة فى ناس كتير راحت لهم وربنا كرمهم معاه انا قولت لك عليهم قبل كدة صح

ولو مافيش حل غير العمليه اعملى استخارة

والله يارحاب واحدة قريبتى قعدت 17 سنة ولفت على جميع الدكاترة فى مصر كلها وماخلت حاجة الا اما عملتها وبعد ماسابت الموضوع ناس قالوا لها على دكتور وماكانتش عاوزة تروح وودوها بالعافيه وكانت مش عاوزة تروح علشان ماتتعلقش بامل وفى الاخر ..........
والحمد لله ربنا كرمها دلوقتى بتوأم بنتوتين زى القمر يارب يارحاب اشوف لك بنوتة وولد زى القمر

حبيبتى يا رحاب ربنا معاكى ويطمنك ويهدى سرك يارب واعملى اللى تقدرى تعملية واللى ربنا عايزة حيكون معلش هى ايام صعبة وتعدى وعلى فكرة انا سمعت عن دكتور طبوزادة دة اللى بتقولك علية رانيا وهو فعلا ممتاز وربنا يقدملك اللى فية الخير وكلنا معاكى ونفرح كمان معاكى

اشكركم كلكم على تشجيعكم ليا
والحمد لله انه اكرمنى باخوات زيكم
واسفه انى ما كنتش بدخل الفتره اللى فاتت
بس بجد حالتى زى الزفت
عموما ححاول اروح لواحد تانى بعد العيد ان شاء الله
كل سنه وانتك بخير

حبيبتي رحاب يا قلبي عمرك ماتخلي الخوف يلاقي طريق لقلبك لان ربنا معاكي واكيد ان شاء الله هيعينك ويقومك بالسلامة
خلي املك في ربنا كبير كبير واكثري من الدعاء له فهو السميع المجيب القادر على كل شيء
وانا من يوم ماعرفت وانا بدعيلك تنجحلك العملية باذن الله وتقومي بالسلامة وينولك مرادك يا رب امين
انت مش لازم تياسي الله كبير وان شاء الله هيقومك لينا بالسلامة ويستجيب لدعواتنا

حبيبة قلبى يارحاب ألف سلامه عليكى ياغاليه
توكلى على الله ياريرى وتأكدى ان ربنه هيكون معاكى ومش هيسيبك ابداً
يارب ارزق اختنا رحاب وايانا بالحمل السليم المعافى
يارب انا اعلم ان لنا رب كريم رحيم بحالنا قادر على اجابة دعائنا
اللهم ارزقنا بالحمل السليم المعافى في هذا الشهر انك أرحم علينا مِنا
ياااااااااااارب ياكريم