مين عندها شعورى السنة دى

انا فرحانه اووووووى
بقدوم رمضان وحبيت اشاركم احساسى
برغم ان كان لى طقوس وترتيبات عشان رمضان
كنت بزين البيت عند ماما واحضر كل احتياجاتى عشان الشهر يكون بس للعباده والصلاه وقراءه القرآن
الا انى لما اتجوزت ضاع منى شعورى زى كل سنه اما السنه دى عندى شوق زى الاول وحابه ازين بيتى واحظ الفانوس
ربنا يملى قلوبنا بحب رمضان ويعنا على الطاعه فيه وفى كل لحظه
اللهم بلغنا رمضان
يلا بقى قولوا لى مين عندها نفس الشعور وايه طقوسكم فى رمضان

انا انا يا ريرى عندى شعور فظيع اى انا اصلا كل سنه كده بس السنه دى مش عارفه هطير من الرحه وانا قاعده بجهز فى الزينه بايدى الاتنين من دلقتى لما اخلصها اكيد هوريهالكوا وان شاء الله هتعجبكوا اوى
اكيد بعمل لنفسى دلوقتى جدول للعبادات علشان باذن الله امشى عليه
وربنا يعينا على طاعته باذن الله
انا فرحت لما لقيتك عندك نفس احساسى ده انا هتجنن خلاص هههههههههههههههههههههه

بجد انا بحب رمضان جداااا قبل الجواز طبعا تجهيزات جامدة بس مش اولى اما بعد الجواز بقيت اعمل الفانوس فى البلكونة والورق الفضى دة كمان عشان افرح انا والولاد كمان واحسسهم بجمال رمضان واحساسة الخاص واكيد سعيدة بقدومة بس فية حاجات بتعكر الجو شوية ربنا يسلم السنة دى والحاجات دى جدت بعد الجواز طبعااا يلا ربنا يعدية على خير ونفرح بعدة بهدوم العيد

الحمد لله مش انا بس اللى عندى الشعور ده
واخواتى الكبار كمان واولادهم والله
ربنا يبلغنا رمضان ويرزقنا فيه الطاعه والعبادات والصدقات وصله الرحم وبر الوالدين
كل سنه وانت طيبه يا رغوده
وكل سنه وانت طيبة يا ريري واولادك بخير
وكل الاسر الكريمه وكل حبايبنا فى المنتدى وخارجه

حرام عليكوا يابنات ارحموا ناس ماعندهاش اى طقوس رمضان ولا زينة فى الشوارع ولا جو رمضانى ولا اى حاجة خالص
والله يابنات انا من كلامكم افتكرت لما كنت امشى فى الشارع عندنا واشم ريحة الكنافة والقطايف وهى عند الراجل واشم ريحة المخلل واسمع الراجل بتاع الخضرة وهو بيقطع الخضره وبيكون الشارع زحمة بس حلو جو كدة مش بيكون الا فى رمضان بس
والا قبل الافطار وصوت القران فى المساجد يقعد يقرا نص ساعة قبل للافطار ونسمع اصوات البمب والصواريخ مع الادان
ونتلم كلنا ونفطر

ياااااااااااااااااه ياريرى انا حاموت من العياط بجد انا وحشنى رمضان اوى اوى وياعالم اقدر احضره فى مصر تانى والا ايه

معلش انا مااتكلمتش فى صلب الموضوع اللى هو الزينة بس انا افتكرت جو رمضان الجميل اللى مستعدة اعمل اى حاجة بس ارجع ساعة واحدة بس

حبيبه قلبى يا رونى انا اسفه يا قلبى انى السبب فى حزنك
بس والله انا كنت اقصد ان اخواتى اللى مش فى مصر يعيشوا معانا جو رمضان
عايزه احسسك انك معانا مش اقصد اضايقك ولو تحبى الغى الموضوع كله
رانيا بالله عليكى ما تزعلى منى انا مقدرش احس انى سبب فى حزن حد

فعلا رمضان ده كان جميل

مع انه فات بسرعه

» هنعد ل 5.. والى توصل ل5 تقول عندها فوبيا من ايه