هعلمكم تقصو القوصه ( الغرة ) تعالو

حبايب هارتى
ازيكم عاملين ايه كويسين طيب الحمد لله

اكيد فى ناس نفسها تقص القوصه (الغرة)
صح ؟
وبتكسل تروح الكوافير

او مبتحبش ونفسها تقصها بنفسها

بصى بقى

شعرك وهوة ناشف

تطلعى كدة من قدام شوية الشعر اللى تحبيهم
يعنى لو شعرك تقيل اوى طلعى شوية حلوين كدة

لو خفيف يبقى طلعى شوية صغيرين

وبعدين حطيهم على وشك وشوفى انا بحطهم على وشى
وبقصهم لغاية مناخيرى كدة
يعنى لغاية ما يساوو مناخيرك دة لو حابة الطول دة
لو حابة اطول يبقى لتحت شوية

وبعدين تاخديهم بايدك كدة وتوقفيهم عمودى لفوق
وتقصى منهم شوية صغيرين اوى
هتلاقى فى شوية شعر على الجناب اقصر من النص
دة عادى سبيهم
انتى قصى الاطراف اللى فوق خالص حاجة صغيرة

وبعدها خديهم وسرحيهم على الجنب اليمين
وقصى بردة الطرف شوية صغيرين بردة

واعكسى على الجنب شمال ونفذى نفس الكلام

هتلاقى القصة طلعت مدرجة تدريج بسيط وحلوة اوى

وخلى بالك لازم المقص يكون حاد وصغير كدة
بس ولا كبير اوى ولا صغير اوى

وكل مرة هتقصى فيهم شعرك فى اتجاة مختلف هتلاقى
فى من الجوانب شعر قصير اوعى تقصية
انتى قصى طرف اطول حته معاكى

وجربى وقوليلى النتيجة

وياسلام بقى بعد ما تغسليها وتدهنيها وتلفيها بكر
واااااااااااااااااااااااااااااااو هتبقى تجنن